Një aksident me pasojë plagosjen ka ndodhur mbrëm në fshatin Daullas të Fierit. I riu i identifikuar me inicialet K.E., 19 vjeç po drejtonte automjetin tip “Audi” kur aksidentoi këmbësorin T.Gj., 46 vjeç. I plagosuri është dërguar në spital ku ndodhet nën kujdesin e mjekëve, ndërkohë që shoferi është shoqëruar për në polici.

MBREM rreth orës 21:15, në fshatin Daullas, shtetasi K. E., 19 vjeç, duke drejtuar automjetin tip “Audi”, ka aksidentuar shtetasin T. Gj., 46 vjeç, banues në Daullas, Fier, i cili ishte duke lëvizur në këmbë. 46-vjeçari ndodhet në Spitalin Rajonal Fier nën kujdesin e mjekëve. Eshtë shoqëruar drejtuesi i mjetit në Komisariatin e Policisë Fier dhe po kryhen veprimet proceduriale. Grupi hetimor po punon për zbardhjen e plotë të ngjarjes.