Dy persona janë arrestuar nga ana e Policisë në Fier, pas një sherri që kanë pasur me njëri tjetrin, ku janë goditue me sende të forta. Sipas Policisë shkak për sherrin janë bërë konfliktet për shkaqe të pronësisë.
“Specialistët për Hetimin e Krimeve në Komisariatin e Policisë Fier, arrestuan në flagrancë shtetasit J. H., 59 vjeç dhe S. H., 61 vjeç, (vëllezër), banues në Peshtan Bregas, Fier, pasi për motive pronësie kanë goditur njëri tjetrin me sende të forta. Materialet i kaluan Prokurorisë pranë Gjykatës së Shkallës së Parë Fier për veprën penale “Dhunë në familje””, njofton Policia e Fierit.
