Babai i Andi Malokut bën thirrje për drejtësi, e për këtë nuk është ndalur, duke i dërguar dhe një letër kryeministrit Edi Rama, dhe ambasadorëve të huaj në vendin tonë. Babai i Malokut i ka bërë thirrje SPAK që të hetojë dhe t’i sqarojë se pse iu vrá djali, ndërsa thotë se në rast se organet e drejtësisë nuk veprojnë, atëherë do të jetë vetë ai që do të marrë gjákun e të birit.
“Im bir kishte 2 muaj punë si shofer i prokurorit Ndoj. Prokuroria ka videot e ngjarjes dhe nuk arreston átentatorin tjetër. Prokuroria të veprojë ndryshe do e marr vetë gjákun e tim biri.”, tha Genc Maloku, babai i të riut, për “News24”. Maloku tha mes të tjerave se ai ishte takuar me Valterin dhe i kishte treguar këtij të fundit pamjet e kamerave të sigurisë, të cilat i kishte siguruar në mënyrë private.
“Unë kam videot dhe i kërkova ndihme deputetit Valteri që të ngrejë zërin edhe në Kuvend. Videot i kam siguruar privatisht, SPAK të veprojë”, pohoi ai. Átentati u bë më 1 nëntor të vitit 2019, ku prokurori Ndoji lëvizte në makinë me Pëllumb Muharremin, i njohur si Rrumi i Shijakut, dhe që është një personazh i njohur i botës së krimit, si dhe shoferin e tij, Andi Maloku, i cili ndërroi jetë në spital. Vetë Ndoja ka heshtur pas ngjarjes, ndërkohë që i vetmi i arrestuar është Redjan Rrahja.
