Djali i 64-vjeçares që u gjet e pajetë në kanal në fshatin Kozare të Kuçovës, Erion Suli ka mohuar ekzistencën e një borxhi të marrë nga autori në familjen e tij dhe se autori është me të meta mendore. Po kështu ai ka kërkuar drejtësi dhe nëse nuk vendoset drejtësi apo nxirret që 58-vjeçari Mara është me të meta mendore atëherë drejtësia i kalon familjes.
Ka folur edhe kryeplaku i fshatit Kozare Jemin Leshi, i cili tha se nuk ka pasur dijeni për ndonjë konflikt të mundshëm mes viktimës dhe autorit. Ai tha se 64-vjeçarja Fatime Suli ishte një grua punëtore dhe familja e saj në hallin e vetë.
Lidhur me autorin, ai tha se jetonte i vetëm dhe nuk kishte shoqëri. Kryeplaku hedh dyshime se Fetah Marra ka dashur të abuzojë me 64-vjeçaren dhe teksa ajo ka refuzuar e ka mbytur.
