Forcat xheniere kanë bërë të mundur hapjen e komanduar të çantës së dyshimtë poshtë një kompleksi pallatesh tek “Unaza e Re”. Ata kanë konstatuar se brenda nuk kishte eksploziv por rroba të vjetra.
Policia në një njoftim zyrtar bën me dije se brenda saj ndodheshin rroba të vjetra, por që banorët kishin frikë se mos ishte përgatitur ndonjë atentat.
Informacion Paraprak
Më datë 03.11.2018, rreth orës 15:02 në zonën e “Unazës së Re” poshtë shkallëve të një kompleksi pallatesh është konstatuar një çantë në dukje e dyshimtë.
Në vendngjarje ndodhen shërbimet e Policisë të Komisariatit Nr.6 të cilat kanë formuar perimetrin e sigurisë si dhe është njoftuar njësia antieksplozivë.
