Ka qenë e komentuar gjatë gjithë karrierës së saj dhe shpeshherë ka qenë pjesë e skandaleve.
dhe pse prej kohësh Britney Spears kishte rënë në qetësi, së fundmi ajo ka shkaktuar shumë kritika me postimin e fundit në Instagram. Këngëtarja postoi një foto të takave të saj Louboutin duke treguar se ato kanë kushtuar 6000 dollarë, por ajo nuk i ka veshur kurrë.
“Katër vjet më parë bleva këpucët e mia të para Christian Louboutin që ishin 6.000 dollarë. P.S. Unë kurrë nuk i kam veshur ato”, shkruan Britney.
Mirëpo fansat e kanë kritikuar menjëherë këngëtaren duke i komentuar se njerëzit janë pa ushqim ndërsa ajo bën blerje të shtrenjta.
“Mi dërgoni mua, në mënyrë që t’i shes dhe t’i paguaj vaktet e një viti të tërë për të gjithë njerëzit që janë të uritur në qytetin tim”, shkruan një fans.
“Po reklamoni mendjelehtësinë tuaj. Ndërkohë, kemi njerëz që nuk mund të përballojnë ushqimin e tyre të rradhës. Në vend që të shpenzoni ato para për marrëzi, dhuroni”, shkruan një tjetër teksa komente të tilla janë të shumta në postimin e këngëtares.
