Një gjallesë e rrallë ka tërhequr pasditen e sotme vëmendjen e banorëve të Durrësit.Në breg të detit u pa një breshkë gjigande, mbi 50 kilogramë. Breshka e llojit Garreta u pa në Lagjen nr.1 pranë zonës së Sfinksit. Gjallesa ka dalë në breg të detit si pasojë e kushteve atmosferike të rënduara dhe erës së fortë që fryn. Zakonisht, të tilla breshka nuk janë të pranishme në Adriatik.
Një prej problematikave të mëdha që i detyron ato të dalin në breg është ndotja që i bëhet detit. Trazimi i ujrave të zeza me ujrat e detit i bën breshkave të tilla të humbin drejtimin. Si edhe përqëndrimi i lartë i leshterikëve dhe algave të detit në këtë zonë, i bën breshkave të ngatërrojnë orientimin duke dalë në cektinë dhe më të ngordhin.
