Policia e Shtetit ka njoftuar nëpërmjet një postimi në faqen zyrtare në “Facebook” për 8 persona me rrezikshmëri të lartë në Vlorë, të cilët janë në kërkim.
Policia bën të ditur se 8 personat rezultojnë të dënuar me burgim të përjetshëm dhe me 25 vite burg.
Njoftimi i plotë i policisë:
Ja 8 personat në kërkim me rrezikshmëri shumë të lartë, në qarkun Vlorë, të dënuar me burgim të përjetshëm, dhe me 25 vjet burg. Policia e Shtetit fton cilindo që ka dijeni mbi vendndodhjen e tyre të telefonojë Policinë në numrin pa pagesë 112, duke ju garantuar anonimatin. Ndihmo dhe ti në sigurinë publike.
Policia ka pasuruar listën e personave të shpallur në kërkim dhe për informacion nga qytetarët, që të ndihmojnë në arrestimin e tyre, ka vendosur njoftimin: Telefononi në numrin 129 ose shkruani në emailin [email protected].
Në faqen zyrtare në internet të Policisë së shtetit, shfaqen me emra dhe foto këta persona. Lista e tyre është e gjatë. Një pjesë tyre e dënuar me burgim të përjetshëm.
