Hëna e plotë që shfaqet nga malet shqiptare ka befasuar krahinën italiane përballë jugut të Shqipërisë, Salenton. Dy fotografë të njohur italianë, Giusy de Santis dhe Luigi Marzo kanë fotografuar spektaklin që ka dhuruar hëna e plotë e dalë nga Mali i Çikës në Shqipëri. Hëna ka dominuar qiellin mbi Otranto më 13 tetor dhe ka krijuar një kompozim shumë të veçantë. Nga njëra anë është katedralja, në të majtë është Hëna që del nga Shqipëria, shkruan repubblica.it. Nuk është hera e parë që malet shqiptare shihen nga bregu salentin, dhe dy fotografët nuk e kanë lënë këtë rast tu ikë nga duart. Hëna e plotë ka befasuar Salenton dhe i ka dhënë asaj një pamje unikale.
