Luis Hodaj 17 vjecari vlonjat kampion i Kickboksit në Itali në peshën 67 kilogram…
Historia e Luisit është nga ato historitë e rralla të cilat të motivojnë cdo ditë. Djaloshi vlonjat lindi në traget, në kohën që prindërit e tij po emigronin për në Itali, për të treguar me simbolik karakterin e tij luftarak që do të ndërtohej që ditën e parë të jetës.
Djali që lindi në kohra të vështira, prej vitesh emigroi larg vendit të tij por pa e harruar Shqipërinë në asnjë moment.Sot fal punës dhe përkushtimit të tij Luis Hodaj në moshën 17 vjecare mban titullin e kampionit kombëtar të Italisë në peshën 67 kilogram në sportin ekstrem të kickboksit, teksa gjithmonë me krenari thotë se është Shqiptar dhe djalë Vlore.
Hodaj ushtron gjithashtu edhe sportin ekstrem të Muai Thai .Pjesëmarrës në shumë turne brenda dhe jashtë vendit, siç është edhe botërori i Kickboksit ku ka marr pjesë tre herë duke u renditur i dyti. Fitues i disa titujve të tjerë kombëtar të arritura fal punës dhe përkushtimit të përditshëm.
Kaq nuk mjaftojnë, synimet e djaloshit janë të qarta, të përfaqësoi vendin e tij në skenat më të mëdha botërore të kickboksit profesionist.
Ende në fillim të karrierës por me besimin në zot mund t’ja dali për të arritur gjithçka. Me siguri pas disa vitesh emrin e këtij djaloshi do e dëgjojmë të gjithë, por atëherë do të jetë i veshur me titujë që do të na bëjnë të gjithëve krenar se është nga Vlora dhe përfaqëson gjakun shqiptar !
