Reperja shqiptare Tayna është përfshirë në një aksident rrugor mbremjen e djeshme në Kosovë. Menaxheri i Taynas, Rinor Hykolli, ka konfirmuar se artistja që ai ka në menaxhim është aksidentuar në lagjen Bregu i Diellit.
Në adresë të gazetës ‘Express’ është dërguar një fotografi ku shihet pamja nga aksidenti. Menaxheri i artistes është shprehur se mjeti “Mercedes Benz” i artistes është goditur nga një makinë tjetër.
Tayna është në gjendje të mirë shëndetësore dhe se nuk ka marrë lëndime në trup, por vetëm dëmtime të vogla të mjetit më të cilin udhëtonte.
