Deputetja nga Vlora Teuta Rramaj ka mar pjesë në ekspozitën vetjake të artistit Vasiliev Nini “Rrethi i kujtesës”, në Promenade Gallery, në qytetin e Vlorës me kurator artistin Artan Shabani.
Ja cfarë shkruan ajo në faqen e saj FB.
Mbrëmjen e djeshme pata kënaqësinë të marr pjesë në ekspozitën vetjake të artistit Vasiliev Nini “Rrethi i kujtesës”, në Promenade Gallery, në qytetin e Vlorës me kurator artistin Artan Shabani. Ndërrthurja e bukur e historisë dhe artit është një frymëzim jo vetëm për punën e shkëlqyer të zotit Nini, por dhe një promovim i vlerave dhe kulturës tonë në botë.
Ekspozita do të qëndrojë e hapur për artdashësit vlonjatë dhe jo vetëm deri më datë 11 janar 2022 dhe parashikon edhe një bashkëbisedim ndermjet kuratorit, artistit dhe publikut.
Vasiliev Nini (1954) është skulptor shqiptar i lindur në Gjirokastër, me banim në Columbus, Ohio në Shtetet e Bashkuara të Amerikës prej vitit 2002.
Artisti Nini ka punuar si lektor dhe pedagog i arteve figurative në Akademinë e Arteve të Tiranës dhe ka vijuar profesionin privatisht me klasa studentësh në Omaha, Nebraska USA. Disa nga veprat e tij janë pjesë e koleksionit mbretëror të ish Mbretëreshës Beatrix e Hollandës. Një nga veprat e tij më popullore është shtatorja e Nënë Terezës e vendosur në Klinë të Kosovës, me porosi të Komunitetit shqiptaro-amerikan, shtatorja e saj është e vendosur edhe në qytetet amerikane Detroit dhe New York.
Po aq e mirënjohur është gjithashtu miniatura e ish Presidentit Barack Obama realizuar nga autori në vitin 2009.
