Personi në foto është shoferi i maunes si i dyshuar për vrasje, pasi në karrocerinë e automjetit të tij u gjetën 39 kufoma.

Ai është arrestuar nga Policia britanike ndërkohë mediat e huaja bëjnë me dije se Mo Robinson është një 25-vjeçar nga Irlanda e Veriut, që dyshohet se e ka futur maunen në Britaninë e Madhe nëpërmjet Holihedit, në veri të Uellsit, që është një nga portet kryesore.

Udhëtimi kishte nisur që nga Bullgaria, dhe të 39 viktimat, të cilët ende nuk janë identifikuar, mendohet të jenë emigrantë. 38 prej tyre ishin të rritur dhe njëri ishte adoleshent.

Dyshoehet se viktimat kanë hipur të gjallë në maunën frigoriferike ndërsa dyshohet se ato kanë vdekur nga i ftohti apo mungesa e oksigjenit.