Ish-deputeti i Partisë Demokratike, Klevis Balliu, ka folur së fundmi në lidhje me situatën aktuale dhe politike në Shqipëri. I ftuar në emisionin “Vizioni i Pasdites’, Balliu komentoi edhe disa nga personazhet e botës politike në vend.
Por teksa në ekran u shfaq Majlinda Bregu, ish-ministre në kohën kur Sali Berisha ishte kryeministër, Balliu e injoroi duke u shprehur se nuk e njihte.
“Kush është kjo? Të jem i sinqertë këtë nuk e njoh mirë, nuk kam patur asnjëherë kontakt dhe s’di çfarë të them , por është një mbështetëse shumë e fortë e qeverisë sot,”- tha Balliu teksa më pas komentoi edhe ministren Elisa Spiropalin.
“Kjo është në qejf të vet pastaj, për sa kohë ka Skëndërbeun është në punë të vet s’është se kam ndonjë koment për të. E kam takuar kur kam qenë në parlament por as nuk e njoh dhe as s’kam cfarë them sepse më duket njeri bosh. Është si njeri transparent që nuk sheh diçka aty,”- tha ai më tej.
Ndërsa për deputeten Rudina Hajdari nuk tha asgjë.
