Përplasje mes banorëve, pronarëve të objekteve në Rradhimë dhe IKMT e policisë. Ka nisur si protestë paqësore e zhvilluar në qendër të Orikumit, nga banorë të Rradhimës ,tragjasit dhe Orikumit,kontestimi i banorëve për prishjet që po kryhen në bregdet,ndërsa kanë parashtruar edhe një kërkesë me pikat e tyre,duke kërkuar mbi të gjitha degjesë publike dhe njohjen e projektit. Banorët kanë theksuar gjatë protestës se pronat e tyre në bregdet po i grabiten nga oligarkët të caktuar, ndërsa protesta e tyre do të përshkallëzohet , nëse pas një afati 30 ditor ,kërkesat e tyre nuk do të merren në konsideratë. Në momentet ,kur protesta paqësore në qendër të Orikumit ,ka përfunduar, banorët i janë drejtuar bregdetit të Rradhimës,me informacionin që IKMT vijonte prishjet e objekteve në zonë. Në momentet e para banorët kanë kërkuar largimin e mjeteve dhe punonjësve të IKMT,ndërsa gjithcka është përshkallëzuar në rreth 20 minuta,me përpasje të banorëve dhe punonjësve të IKMT, por edhe policisë. Eshtë dashur ndërhyrja e kësaj të fundit për të qetësuar sadopak situatën,por irritimi i banorëve ka vijuar deri në largimin e mjeteve dhe punonjësve të IKMT. Përpasje deri edhe goditje të mjetit të IKMT nga banorë të irrituar duke deklaruar sërish se po u grabiten pronat. Aksioni i IKMT në bregdetin e Vlorës,RradhimË dhe deri në Orikum,ka nisur prej fillimit të muajit shtator,me 60 objekte të parashikuara për tu shembur në fazën e parë të ndërhyrjes së IKMT. Bëhet fjalë në fazën e parë të ndërhyrjes për objekte si beach bar,apo mole dhe shtesa në zonën e bregdetit të Rradhimës dhe Orikumit,aksion,ky i kundërshtuar prej fillimit nga banorë të zonës dhe pronarë të objekteve .
