Gjatë punës së saj për mbikëqyrjen dhe kontrollin për çdo ndërhyrje të paligjshme me pasoja në mjedis, IKMT ka pikasur “BANKERS PETROLIUM ALBANIA LTD” në Fier teksa ky subjekt ka kontaminuar të gjithë zonën me mbetje të rrezikshme.
Inspektorati Kombëtar i Mbrojtjes së Territorit ka vendosur gjobën me vlerë 2000 000 lekë ndaj këtij subjekti dhe i ka pezulluar aktivitetin e saj.
Në fotot që Inspektoriati ka publikuar në faqen zyrtare në Facebook shihet se zona ku zhvillonte aktivitetin e saj kjo kompani është mbuluar e gjitha me mbetje.
Postimi i plotë:
Inspektorati Kombëtar i Mbrojtjes së Territorit, ka vijuar punën për mbikëqyrjen dhe kontrollin e zbatimit të legjislacionit në fuqi në fushën e mbrojtjes së mjedisit dhe ndëshkimin e çdo ndërhyrje të paligjshme me pasoja në mjedis.
Në ushtrim të përgjegjësive të veta, IKMT pas ushtrimit të kontrollit në subjektin “BANKERS PETROLIUM ALBANIA LTD” Fier, ka konstatuar që subjekti nuk ka respektuar kushtet e Lejes së Mjedisit për largimin e mbetjeve të rrezikshme dhe si rrjedhojë ka kontaminuar zonën.
Ndaj subjektit është vendosur masa administrative dënim me gjobë në vlerën 2 000 000 lekë dhe është pezulluar aktiviteti.
