Franca ka nisur oksigjen dhe ndihma tjera mjekësore për të cilat ka jashtëzakonisht nevojë India. “Kjo është gjëja më e bukur. Kjo tregon solidaritetin nga shumë francezë”.
“Ekziston vetëm një zgjidhje për të luftuar virusin: solidariteti dhe bashkëpunimi”, tha Ministri i Jashtm në Francë, Jean-Baptiste Lemoyne.
Dërgesa përfshin tetë gjeneratorë me kapacitet të lartë të oksigjenit, të cilët secili mund të sigurojë një vlerë oksigjeni prej një viti për 250 shtretër, oksigjen i lëngshëm për 2 mijë pacientë për pesë ditë dhe 28 ventilatorë dhe pajisje për njësitë e kujdesit intensiv, tha ambasadori francez në Indi Emmanuel Lenain.
Gjeneratorët e oksigjenit – të prodhuar nga kompania franceze Novair – “do t’u mundësojnë spitaleve të prodhojnë oksigjenin e tyre dhe, ç’është më e rëndësishmja, do të thotë që ata nuk do të duhet të blejnë më oksigjenin e tyre”, tha Drejtori Ndërkombëtar i Novair, Jean-Pierre Berlioz.
“Ne kemi ndërtuar këto tetë njësi në një kohë rekord, një arritje e vërtetë,” tha Berlioz. “Kjo do të shpëtojë jetë, kështu që ne jemi tepër krenarë për të.” Për më tepër, kontejnerët e lëngshëm të oksigjenit do të mbushen nga një kompani franceze në Katar dhe do të dërgohen në Indi me anije në ditët në vijim, sipas Lemoyne.
