Parisi është përfshirë në kaos pasi PSG fitoi finalen e Ligës së Kampioneve. Parizienët mposhtën Interin me rezultatin 5 me 0.
Pamje të rënda u shpërndanë, ndërsa kishte mbi 80 të arrestuar. Policia ndërhyri dhe dhuna u kthye në kryefjalë.
Ky ishte trofeu i parë për PSG-në në historinë e Champions. Mijëra tifozë përfshinë në zjarr edhe automjetet, që nuk shpëtuan në qytet.
Edhe pse fituan, trazirat priteshin pas ndeshjes. Kjo pasi skena të tilla kanë ndodhur me tifozët francezë edhe më parë.
Një ngjarje e rëndë ndodhi mbrëmë në qytetin Dax të Francës, ku një 17-vjeçar ka humbur jetën pasi u godit me thikë në kraharor, në rrethana ende të paqarta.
Sipas raportimeve të BFMTV, i riu ishte pjesë e festimeve për fitoren e Paris Saint-Germain në finalen e Ligës së Kampioneve, por mbrëmja festive përfundoi në tragjedi.
Viktima u dërgua me urgjencë në spital, por fatkeqësisht ndërroi jetë si pasojë e plagëve të marra.
Policia franceze ka konfirmuar ngjarjen, por ende nuk është zbuluar motivi apo konteksti i saktë i konfliktit që çoi në vrasje. Hetimet janë në vijim për zbardhjen e plotë të ngjarjes.
