Bashkëjetesa e një të porsalinduri me një kafshë shtëpiake, duket e pamundur për shumë prindër të rinj. Shqetësimet më të zakonshme që mund të ekzistojnë nga ana e prindërve kanë të bëjnë me: mikrobet, menaxhimin e kohës, sjelljen e kafshës kundrejt fëmijës, rreziku që mund t’i kanoset foshnje nga qeni etj.
Nëse ju jeni apo së shpejti do të gjendeni në një situatë të tillë bëni mirë të lexoni më tej! Një studim shkencor i Universitetit Alberta i publikuar së fundi nga prestigjozja“The Independent”, hedh poshtë të gjitha shqetësimet e prindërve të rinj apo të ardhshëm duke na bindur se prania e qenit siguron një mjedis të shëndetshëm për foshnjet.
Të dhënat e grumbulluara nga studimi nga tregojnë se në familjet ku një bebe bashkëjeton me një qen, fëmija rritet më i shëndetshëm. Ekspozimi i foshnjes që në fillim të jetës me një kafshë shtëpiake mund të zvogëlojë rrezikun e sëmundjeve si mbipesha dhe alergjitë.
Këto përfitime mund të fillojnë që kur fëmija është në mitër gjatë trmujorit të dytë apo tretë.
Pra, flini te qetë dhe mos mendoni të largoni katërputrakun nga shtëpia pas lindjes së bebit.
