Dje në “Ftesë në 5” me Bieta Sulon u bë pjesë e programit Joland Novaj, modeli 22 vjeçar me origjinë nga Prizreni që ia doli të sfilonte për koleksionin e “Gucci-t”. Në daljen e parë televizive, Jolandi u shpreh shumë i emocionuar për gjithë mbështetjen, duke treguar se nuk po i ndal dot lotët e gëzimit prej një jave.
Ai tregoi se ka nënshkruar një kontratë 3 mujore me “Gucci”, ndërsa pranoi se pas gjithë shkëlqimit në sfilatë fshihen shumë orë pune. “Nuk është aq e lehtë sa duket. Kemi qenë të mbyllur në Itali për një muaj e gjysmë, duke punuar nga 20 orë në ditë”, tha ai.
I lindur dhe rritur në SHBA, Jolandi jo vetëm që fliste shumë mirë shqip, por nuk e hiqte në asnjë moment nga qafa varësen me shqiponjën dy krenare. “E them kudo që jam shqiptar, jo amerikan. Varësen do e mbaj derisa të vdes”, tha me krenari 22 vjeçari Top Channel
