Miliarderi amerikan i teknologjisë, Elon Musk, sfidoi presidentin rus Vladimir Putin në një duel kokë më kokë, duke sugjeruar që fituesi të vendosë për fatin e Ukrainës.
“Unë e sfidoj Vladimir Putinin në një betejë” dhe “aksionet janë Ukraina”, tha Musk në një postim në Twitter të hënën në mëngjes.
Në një mesazh vijues në rusisht, Musk etiketoi llogarinë zyrtare të Kremlinit në Twitter dhe pyeti: “A jeni dakord me këtë luftë?”
Dmitry Rogozin, drejtor i përgjithshëm i programit hapësinor të Rusisë Roscosmos, iu përgjigj Musk me një varg nga “Përralla e priftit dhe e punëtorit të tij Balda” të Alexander Pushkin, shkruan Forbes.
“Ti, djall i vogël, je ende i ri,” tha Rogozin, duke cituar historinë popullore të Pushkinit dhe duke shtuar: “Ti je i dobët të konkurrosh me mua, do të ishte vetëm humbje kohe.”
Musk, nga ana e tij, përsëriti se ai është “absolutisht serioz” në lidhje me ofertën dhe kur u pyet a do të habitej nëse Putini do ta pranonte sfidën, Musk tha se “do të ishte një nder”.
Zëvendëskryeministri i Ukrainës dhe kreu i transformimit dixhital, Mykhailo Fedorov, vlerësoi sfidën e Elon Musk: “Jam i sigurt se @elonmusk mund ta dërgojë Putinin në Jupiter” .
