Klubi i futbollit të Egnatias së Rrogozhinës ka informuar publikun lidhur me aksidentin që pësoi furgoni i sportistëve të saj në aksin Tiranë-Durrës. Sipas sqarimit zyrtar në FB, asnjë futbollist nuk ka pësuar dëmtim nga aksidenti dhe situata u kalua pa probleme.
Egnatia e Rrogozhinës, një ekip me synime këtë vit për t’u ngjitur nga Kategoria e Parë në Superligë po luante një ndeshje sot ndaj Elbasanit ku fitoi thellë 6-0, dhe në kthim për Rrogozhinë pësoi aksidentin ku udhëtonin disa prej futbollistëve. Kujtojmë se rreth orës 18:00 furgoni i KF Egnatia-s u përplas me një automjet dhe fuoristradë tjetër por pa dëme në njerëz.
NJOFTIMI NGA KF EGNATIA KF Egnatia 🚍 Fugoni i futbollistve është përfshirë në një aksident rrugorë në autostraden Durres-Tirane. Klubi sqaron opinionin sportiv dhe publik se gjithçka është kaluar pa probleme duke mos pasur asnjë të dëmtuar por vetëm dëme materiale. Faleminderit.
