Një katastrofë e vërtetë ka ndodhur në Fushë-Krujë. Një pikë grumbullimi gomash të përdorura ka marrë flakë në afërsi të Stacionit të Trenit në këtë qytet. Mësohet se janë djegur me mijëra goma makinash dhe zjarri është i frikshëm, pasi rrezikon edhe banesat përreth.
Për shuarjen e flakëve, janë angazhuar dy zjarrfikëset e Krujës dhe një autubot i një firme private. Po ashtu, është kërkuar ndihmë nga Tirana e Durrësi, por edhe rrethet e tjera. Situata është kritike, pasi rrezikohet shpërthimi i një kabine elektrike që është shumë pranë.