Dy makina me targa të Kosovës janë aksidentuar mëngjesin e sotëm në autostradën Fushë Krujë- Milot. Si pasojë e aksidentit janë plagosur 3 persona, të cilët janë në gjendje të rëndë për jetën.
Informacionet e para kanë treguar se ata janë dërguar në spitalin e Traumës në Tiranë. Ndërkohë, bëhet me dije se shkaku i aksidentit ishte shpejtësia e njërës prej makinave, që bëri një parakalim të gabuar.
“Krujë/Informacion paraprak. Më datë 11.08.2021, rreth orës 07:00, në aksin rrugor Tapizë-Derven, janë përplasur 2 automjete me drejtues shtetasit A. Sh., dhe F. K.
Si pasojë e përplasjes janë lënduar pasagjerët në mjet, shtetaset A. R., 20 vjeçe, Xh. Sh., 30 vjeçe dhe M. M., 23 vjeçe, banuese në Kosovë, të cilat ndodhen nën kujdesin e mjekëve. Grupi hetimor ndodhet në vendngjarje dhe po punon për zbardhjen e rrethanave të aksidentit”, njofton policia.
