Gazetarët lokal të qytetit të Vlorës mbështetur nga Leviz Albanian si dhe Agjensia Zviceriane për Zhvillim kanë ndërmarrë një iniciativë të titulluar “Duam Ujë” për lagjen Partizani në Vlorë. Qëllimi i kësaj iniciative është furnizimi i rregullt me ujë të pijshëm, i këtij blloku banimi i cili prej 20 vitesh vuan për një “pikë ujë”. Për të arritur synimin final gazetarët lokal kanë zhvilluar në lagjen Partizani një takim informues, në formë bashkëbisedim me banorët e zonës për të mësuar në detaje problemin e mosfurnizimit me ujë të pijshëm.
Takimi u zhvilluar me pjesëmarrjen e dhjetë banorëve të zonës, duke zbatuar masat anticovid 19, distancimin social dhe mbajtjen e maskës.Banorët shprehën shqetësimin e tyre, ku më pas u mbajtën dhe shënimet përkatëse për problemin si dhe u informuan banorët për nismën e ndërmarrë si dhe etapat që do të ndiqen për zgjidhjen e problemit.
