Gazetari i Shqiptarja.com Genc Kondi ka shpjeguar në studion e Report Tv si do të bëhet sigurimi i banesave me 0.1% të vlerës pas vendimit të fundit të qeverisë që erdhi pas tërmetit të fuqishëm që goditi vendin në datë 21 shtator. VKM-ja detyron ndërtuesit që bashkë me kontratën e shit-blerjes duhet t’i bashkëngjisë edhe kontratën e sigurimit, që e ka të siguruar për 10 vjet.
“Në Shqipëri është sistemi i sigurimit privat, nuk ka më sigurim shtetëror. Nëse qytetari paguan 0.1 përqind në vit si prim për të siguruar banesën e tyre është e sigurt që nuk mbetet asnjëherë pa shtëpi. VKM nuk ka të bëjë me atë nëse ke dëshirë apo jo të sigurosh banesën kjo detyron ndërtuesit për ndërtimet e reja për edhe për ndërtimet që kanë bërë dhe nuk i kanë shitur.
Shkohet tek noteri bashkë me atë që e shet është i detyruar në bazë të kësaj VKM-je. Kjo kontratë nuk ka të bëjë me ndërtesat e vjetra që e ka në dorë qytetari ta bëjë. Nuk ka të bëjë me momentin e ndërtimit, por ka të bëjë me shit-blerjet që bëhen tani janë të detyruara që pronari t’ia shesi blerësit edhe me policin e sigurimit.
Ata që shesin tani ose objektet e ndërtuara 10 vite më parë dhe shitet tani, duhet të kenë këtë kontratë sigurimi, ndryshe hipoteka nuk e regjistron aktin e shit-blerjes” tha gazetari i Shqiptarja.com Genc Kondi.
