E ftuar emisionin “Rudina” në Tv Klan, ka qenë e ftuar gazetarja nga Korça, Enxhi Kosturi, të cilën e shohim çdo ditë në mëngjes në emisionin e Aldo Morning Show që transmetohet në Tv Klan. Ajo ka rrëfyer historinë e dhimbshme të babait të saj që humbi jetën nga Covid-19 në 15 Mars.
Arben Kosturi ka qenë aktivistit dhe kryetar i shoqatës rome “Distuni Albania” në Korçë. Për shumë vite ai ka qenë aktivist në mbrojtje të të drejtave të komunitetit rom, egjiptian dhe minoriteteve në veçanti dhe një gazetar mjaft i aftë. Vajza e tij Enxhi ka lexuar në studio edhe letrën e fundit prekëse që i ati ka shkruar në një kartopecetë në spital dhe më pas e kishte fotografuar.
Rudina Magjistari: Ai ka lënë një letër ditët e fundit dhe është shkruar në kartopecetë që me siguri për ty do jetë një kujtim shumë i shtrenjtë. Si ka qenë historia?
Enxhi Kosturi: Babi ka qenë instruktor i gjuhës rome, ku jepte gjuhën rome nëpërmjet abetareve nga klasa e parë deri në klasën e 5 dhe ditën, pra ishte mësues dhe ditën e 7 Marsit e kishte shkruar këtë letër në kartopecetë dhe më pas i ka bërë foto. Unë ia urova babit gëzuar 7 Marsin dhe nuk e dija që kishte shkruar këto fjalë. Këto fjalë janë shumë prekëse dhe shumë të dhimbshme.
Rudina Magjistari: Çfarë të ka shkruar?
Enxhi Kosturi: Ikin shumë vite, por si kjo s’kisha parë, o Zot çfarë është kjo katastrofë për njerëzit nëpër botë? Ajri që na mungon dhe ëndrrat që vijnë në korridoret e spitaleve ku veç ankthi të vërteton. Virusi i tillë që jeton, rrëmben dhe njerëzit nuk i pyet. Njerëzit nuk i zgjedh, po pyet, i merr, miqtë romë të thjeshtë pa emër, kjo botë tmerr, deri tani nuk di, akoma katastrofë në këtë botë ku njerëzit gjallë hyjnë dhe dalin të vdekur, dy metra nën tokë të ikur fatkeqësisht.
Rudina Magjistari: Ka qenë një gazetar goxha i zoti dhe sidomos më pas angazhimi i tij në shoqatën rome dhe zgjidhja e tij si kryetar e ka bërë që ta mbrojë dhe ta përfaqësojë denjësisht kauzën rome, egjiptiane dhe të gjitha komunitetet e veçanta.
Enxhi tregon Ministri i Mbrojtjes Niko Peleshi i ka ndihmuar shumë dhe i ka kërkuar mjekëve të kujdesen për Arbenin njësoj sikur të ishte ai vetë. Sipas vajzës, mjekët bënë të pamundurën për të shpëtuar të atin, por virusi ishte më i fortë se ai dhe e mposhti. /tvklan.al
