Gjykata e Tiranës ka dënuar me 40 orë punë të detyrueshme Lefteri Durakun, 70-vjecaren që u cilësua si person me rrezikshmëri. Rreth një vit më parë, mori pjesë në protestën kundër Borchardt dhe u akuzua për sulm ndaj policisë. Protestueset gra të Unazës së Re hynë në ambientet ku mbahej tryeza e OSBE “Forumi për zhvillimin e Medias” ku ndodhej edhe ambasadori Bernd Borchardt dhe ndërprenë për disa minuta konferencën.
Ato mbanin në duar pankarta që shkruhej, “Borchardt të shpallet non grata”, “Gishti i mesit nuk e nderon OSBE”. Ndërsa ky i fundit kërkoi nxjerrjen e tyre jashtë ambienteve të konferencës. Vendimi për Lefteri Durakun, e njohur ndryshe si ‘nënë Lefteria’ u dha një vit nga nisja e procesit gjyqësor.
