41 emigrantë janë gjetur në një kamion, me frigorifer në Greqi, fatmirësisht pa dëmtime për jetën. Kamioni me emigrantët ilegalë u kap në Ksanthi të Greqisë në një kamion që kishte hyrë nga Turqia.
Ata u gjetën duke patur vështirësi në frymëmarrje, situatë që mund të kishte sjellë pasoja të rënda për jetën. Ata ishin nisur për në Selanik, por autoritetet thonë se nuk janë të bindur nëse ata do ta arrinin gjallë qytetin në fjalë në kushtet që ndodheshin.
Mësohet se emigrantët kanë qenë me origjinë afgane, dhe synonin të shkonin drejt vendeve të Europës Perëndimore.
