Categories Lajme

Gjenden të vdekura në shtëpi nënë e bijë në Korçë

Prej disa ditësh, Eleni dhe Ornela Vangjeli, nënë e bijë, nuk u përgjigjeshin në telefon familjarëve të tyre. Kjo bëri që këta të fundit të njoftonin policinë. Kur efektivët trokitën në derën e tyre në lagjen 17 të qytetit të Korçës, nuk iu përgjigj njeri. U desh ndërhyrja e zjarrfikëses që policia të futej në banesë. Dy gratë u gjetën të dyja të vdekura, dyshohet për shkaqe natyrale. Eleni ishte 75-vjeçe ndërsa e bija Ornela, 54.

“Rreth orës 16:42, në lagjen nr. 17, Korçë, në banesë, janë gjetur pa jetë, pa shenja dhune Eleni Vangjeli, 75-vjeçe dhe vajza e saj Ornela Vangjeli, 54-vjeçe. Nga të dhënat e para, rezulton se këto shtetase nuk ju ishin përgjigjur në telefon familjarëve të tyre, prej disa ditësh. Dera e banesës së tyre është hapur nga shërbimet e zjarrfikësve, pasi ishte e kyçur nga brenda.Paraprakisht dyshohet se këto dy shtetase mund të kenë humbur jetë për shkaqe natyrale. Grupi hetimor po punon për përcaktimin e shkaqeve të humbjes së jetës së këtyre shtetaseve dhe sqarimin e rrethanave të ngjarjes”, tha policia e Korçës në një njoftim për mediat.

Gazetarja Daniela Zisi mëson se nënë e bijë nuk përgjigjeshin prej ditës së diel. Sipas Zisit, 75-vjeçarja ishte e sëmurë dhe e pamundur për të lëvizur për shkak se ishte e paralizuar. Dyshimet e para janë se vajza ka qenë ajo që ka ndërruar jetë e para, si pasojë e një ataku në zemër. Ndërsa e moshuara dyshohet të ketë humbur jetën pas saj, në pamundësi për të lëvizur dhe për shkak të mungesës së ilaçeve. Megjithatë këto janë dyshimet e para dhe do të jenë hetimet e autoriteteve përkatëse që pritet të sqarojnë rrethanat e plota të kësaj ngjarjeje të rëndë.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Pas radhës kilometrike të mjeteve, hiqet përkohësisht pagesa në autostradën Thumanë-Kashar

Pas skandalit të mëngjesit të sotëm me trafikun kilometrik nga aksi Thumanë-Kashar, mësohet se është…

LEXO ME SHUME
Categories Lajme

Vihen nën kontroll flakët në Llogara, drejtori i zjarrfikëses: Zjarri patjetër që ka dorën e njeriut

Zjarri që ra pasditen e djeshme në Llogara është vënë nën kontroll, ndërsa po punohet…

LEXO ME SHUME
Categories Lajme

Detaje/ Euro, blloqe dhe telefona, çfarë iu sekuestrua Beqajt dhe bashkëpunëtorëve pas kontrollit në banesë dhe zyrë

Pas më shumë se një viti hetimesh, ish-ministri i Shëndetësisë Ilir Beqaj është vënë sot…

LEXO ME SHUME
Categories Lajme

SPAK rëndon pozitën e ish-kryebashkiakut Jorgo Goro, sekuestrohen 4 ha tokë në Himarë

Rëndohen akuzat ndaj Jorgo Goros, tashmë në burg. Prokuroria e Posaçme kundër Korrupsionit dhe Krimit…

LEXO ME SHUME
Categories Lajme

Tentuan të trafikonin kokainë nga Amerika Latine, si ranë në pranga 3 shqiptarët në Itali

Një tjetër goditje e rëndësishme ndaj trafikut të drogës është kryer Guardia di Finanza e…

LEXO ME SHUME