Një 60-vjeçare nga Kosova është gjetur e pajetë në Elbasan, në hotelin ku ishte akomoduar së bashku me bashkëshortin e saj. Mësohet se trupi i gruas u gjet nga bashkëshorti i saj, shtetasi J.I 70 vjeç i cili i tronditur nga ngjarja është në gjendje të rëndë shëndetësore.
Çifti kishte shkuar prej 10 ditësh në Llixha Tregan të Elbasanit. Të dy ata ishin akomoduar në hotelin e shtetasit N.K.47 vjeç, ku edhe gruaja ka humbur jetën.
Ende janë të paqarta rrethanat e vdekjes së saj. Mësohet se nga këqyrja e kryer nga mjeku ligjor nuk janë konstatuar asnjë shenjë dhune në trupin e gruas. Ndërkaq grupi hetimor po heton për zbardhjen e plotë të rrethanave të ngjarjes
Elbasan
Informacion paraprak
Më datë 31.10.2018, rreth orës 03:30 në Spitalin e Elbasanit është dërguar e vdekur shtetasja E. I., 60 vjeçe , banuese në Plloshan Kosovë si dhe në gjendje të rëndë shëndetsore bashkëshorti i saj shtetasi J. I., 70 vjeç, banues në Plloshan Kosovë, të cilët kishin ardhur për të bërë banja termale në Llixha Tregan Elbasan dhe ishin akomoduar në hotelin e shtetasit N.K.47 vjeç.
Nga këqyrja e kryer nga mjeku ligjor nuk janë konstatuar shenja dhune . Grupi hetimor po heton për zbardhjen e plotë të rrethanave të ngjarjes
