Një 55-vjeçar raportohet të jetë gjetur pa jetë në banesën e tij në lagjen ‘Skënderbeg’ të qytetit të Lezhës.
Viktima është identifikuar si Kujtim Trushi, i cili është konstatuar i pajetë nga zjarrfikësit, të cilët kanë hyrë në banesën e të ndjerit, sapo janë lajmëruar nga banorët e pallatit, të cilët pasi kanë konstatuar një aromë të rëndë që vinte nga banesa e 55-vjeçarit, kanë lajmëruar menjëherë policinë.
Kjo e fundit ka shkuar menjëherë në vendin e ngjarjes, ku ka nisur edhe hetimet përkatëse për këtë ngjarje. Viktima jetonte i vetëm. I vetmi i lajmëruar është motra e tij. Pritet nxjerrja e trupit. Nuk dihet sa dite kishte në banesë, por dyshohet të paktën 2-3 ditë. Banorët thonë se nuk ka pasur probleme shëndetësore së fundmi”./ Faxweb
