Një trup i pajetë është gjetur në vendin e njohur si “Ura e Babrrusë” në kryeqytet. Banorët e zonës kanë njoftuar policinë se brenda shtratit të lumit ndodhej trupi i një njeriu.
Menjëherë, uniformat blu kanë shkuar atje, dhe kanë nxjerrë nga lumi, mes gurëve, trupin e një personi. Nga largësia, ai shihet se është një djalë i ri, i veshur me bluzë me mënga të shkurtra por nuk ka më shumë informacione.
Rrethanat e para janë të paqarta dhe s’dihet nëse personi ka patur një aksident, apo një tjetër rrethanë. Në vendngjarje pritet të shkojë autoambulanca për të zbuluar rrethanat në të cilat ky trup ndodhet atje, identiteti i të cilit ende nuk dihet.
