Është gjetur pas shumë orësh kërkime, trupi i pajetë i 45-vjeçarit i cili u mbyt në Liqenin e Prespës teksa peshkonte. Trupi i Stavri Vasilovskit është gjetur nga polumbarët. Mësohet se ai ishte punonjës i Bashkisë së Pustecit.
“Korçë/Informacion paraprak. Më datë 05.09.2021, në orët e para të mëngjesit, jemi njoftuar se në liqenin e Prespës, shtetasit S. V., 45 vjeç, i cili kishte dalë gjatë mbrëmjes për të peshkuar, si pasojë e dallgëve të forta të liqenit, i është përmbysur varka dhe dyshohet se mund të jetë mbytur.
Është bërë njoftimi dhe pritet ardhja e polumbarëve, për të kryer kërkimet e nevojshme. Shërbimet e Policisë Kufitare dhe grupi hetimor ndodhen në vendngjarje ku po punohet për sqarimin e plotë të rrethanave të ngjarjes”, njofton policia.
