Sportistja polake e hedhjes së shtizës Maria Andrejczyk nxorri në ankand medaljen e argjendtë që ajo fitoi në Tokio 2020 për të ndihmuar në financimin e një operacioni në zemër për ti shëtuar jetën në SHBA një fëmije tetë muajsh që nuk e kishte takuar kurrë. Atletja olimpike arriti të sigurojë 130,000 euro, pothuajse gjysma e kostos së të gjithë operacionit (280,000).
25-vjeçarja ka shpjeguar në profilet e saj sociale arsyen e gjestit fisnik: “Nuk m’u desh shumë kohë për të vendosur, ishte mbledhja e parë e fondeve në të cilën mora pjesë dhe e dija se ishte e duhura – shkroi ajo -.
Miloszek ka një defekt serioz në zemër dhe ka nevojë për një ndërhyrje kirurgjike. Për këtë arsye unë po e nxjerr në ankand medaljen time të argjendtë olimpike”.
Andrejczyk mundi kancerin e kockave me të cilin u diagnostikua në 2018 dhe fitoi një medalje argjendi në Lojërat japoneze, pasi përfundoi e katërta në Rio 2016.
