The Sun ka publikuar fotot e një babai të traumatizuar, i cili është kthyer në banesën e tij, më pak se një javë nga vdekja e mistershme e tre fëmijëve të mitur. Andrew McGinley iu drejtua banesës së tij me zemrën e thyer, ndërkohë që banorët e lagjes nuk gjenin fjalët e duhura për ta ngushëlluar. “Çfarë mund ti thoni dikujt që sapo ka humbur tre fëmijët e tij?”, ishte pyetja që shtrohej më shpesh mes tyre.

Fëmijët u gjetën të pa jetë në banesën e tyre në Dublin, 2 djem dhe një vajzë, Conor, 9 vjeç, Darragh, 7 vjeç, dhe Carla, 3 vjeç. Jashtë derës ku fëmijët u gjetën të pa jetë ishte shkruar: “Mos shkoni lart …telefononi 999”. Ndërsa një grua e cila endej rrugëve e shokuar, dyshohet të jetë nëna e fëmijëve, e cila u shoqërua nga policia për në spital dhe do të merret në pyetje për ngjarjen. Ende nuk ka dalë në dritë nëse është nëna e fëmijëve ajo që fshihet pas ngjarjes së rëndë. Dyshimet janë që fëmijët të jenë droguar dhe më pas të jenë mbytur, ndërkohë që pranë dhomës u gjet dhe një shënim i dytë ku shkruhej: Fëmijët po përballeshin me jetë ku nuk kishin asgjë