DVP Gjirokastër/Vijojnë goditjet e njëpasnjëshme ndaj veprimtarisë kriminale të dhënies ndihmë shtetasve të huaj, kundrejt pagesës, për kalim të paligjshëm të kufirit.
Finalizohet operacioni policor i koduar “Road Guard 71”.
Transportonte me automjet, 4 emigrantë nga vendet e treta, kapet dhe vihet në pranga 41-vjeçari.
Sekuestrohen automjeti, 650 euro dhe 2 celularë.
Specialistët e Seksionit për Hetimin e Trafiqeve të Paligjshme në DVP Gjirokastër, në bashkëpunim me Komisariatin e Policisë Tepelenë, në vijim të punës për goditjen e aktivitetit kriminal të dhënies ndihmë shtetasve të huaj, për kalim të paligjshëm të kufirit, kundrejt fitimit, si rezultat i një pune hetimore me metoda proaktive, në drejtimin e Prokurorisë, kanë organizuar dhe finalizuar me sukses operacionin policor të koduar “Road Guard 71”, si rezultat i të cilit u bë arrestimi në flagrancë i shtetasit H. N., 41 vjeç, banues në Vlorë.
Arrestimi i shtetasit H. N. u bë pasi është kapur në flagrancë nga shërbimet e Policisë, në aksin nacional Gjirokastër-Tepelenë, duke transportuar me automjet, 4 emigrantë nga vendet MENA, kundrejt pagesës.
Në cilësinë e provës materiale u sekuestruan automjeti, 650 euro dhe 2 celularë.
Materialet i kaluan Prokurorisë, për veprime të mëtejshme.
