“Gjirokastra, kryeqyteti i rigonit: të rinjtë lanë ëndrrat dhe morën trastat.”
Të rinjtë e Gjirokastrës po i drejtohen gjithnjë e më shumë mbledhjes dhe shitjes së rigonit dhe bimëve medicinale, si një mundësi për të siguruar të ardhura në mungesë të vendeve të punës.
Gjatë kësaj periudhe, në zonat malore dhe kodrinore të qarkut, shumë të rinj angazhohen në grumbullimin e rigonit, sherebelës dhe bimëve të tjera medicinale, të cilat më pas tregtohen për tregun vendas dhe eksportin.
Ky sektor po kthehet në një burim të rëndësishëm të ardhurash për familjet e zonave rurale, ndërsa të rinjtë shpresojnë që pasuritë natyrore të krahinës të shfrytëzohen më mirë dhe të krijohen më shumë mundësi punësimi në vendlindje.
