“Gjithnjë e më shumë raste, gjithnjë e më shumë frikë” – e titullon Bild redaksionalen e tij sot, duke dokumentuar një rast të ri në Bremen të një fëmije të lindur me vetëm tre gishta në dorën e djathtë. Një rast që sjell në mendje alarmin e ngritur në një rajon të Francës me 18 raste të bebeve të lindura pa duar, ose me keqformime kongjenitale në gjymtyrë, siç njoftohet nga Shëndetësia Publike.

Ditët e fundit tabloidi kishte dokumentuar rastin e tre fëmijëve të lindur midis qershorit dhe shtatorit në të njëjtin spital në Gelsenkirchen, në zonën Ruhr, me keqformime në duar.

Spitali Sankt Marien në një shënim të botuar në faqen e tij të internetit, shkruan se në një interval kohor jashtëzakonisht të shkurtër, 1-2 % e të sapolindurve vijnë në jetë me keqformime kongjenitale.

“Malformimet e këtij lloji nuk janë parë për shumë vite. Ngjarja e shumëfishtë mund të jetë e rastësishme, por ne e shohim befasues periudhën e shkurtër të këtyre tre rasteve”

Nëna e fëmijës së lindur në Bremen tre muaj më parë së bashku me një vëlla të shëndetshëm binjak, thotë se është e shqetësuar “se ndoshta helmet mjedisore kanë luajtur një rol të rëndësishëm në rastet në rritje të keqformimeve”