Gjykata e Apelit, ka vendosur të lërë në fuqi vendimin e Gjykatës së Shkallës së Parë, lidhur me sekuestron preventive të pasurisë së ish-deputetit socialist Mark Frroku.
Pronat e sekuestruara të Frrokut, shkojnë në vlerën 1.5 milionë euro, ndërsa kjo masë u mor pas dënimit të ish-deputetit socialist me akuzat e mosdeklarimit të pasurisë dhe pastrimit të produkteve të veprës penale.
Në vendimin e marrë sot, vetëm 4 prona i janë kthyer Frrokut, ndërsa të tjerat vijojnë të jenë nën sekuestro, ndërsa nuk dihet si e ka sekuestruar gjzkata këtë vendim, pasi seanca është zhvilluar me dyer të mbyllura.
Pronat e sekestruara të frrokut me vendim të Gjykatës së Shkallës së Parë ishin:
Apartamente
- Apartament me sipërfaqe 56.84 m2 në Orikum
- Apartament me sipërfaqe 78.66 m2 në Orikum
- Apartament me sipërfaqe 69.6 m2 në Shëngjin, Lezhë
- Apartament me sipërfaqe 49.3 m2 në Shëngjin, Lezhë
- Apartament me sipërfaqe 55.2 m2 në Shëngjin, Lezhë
- Apartament me sipërfaqe 100 m2 në Kashar, Tiranë
- Apartament me sipërfaqe 100 m2 në Kashar, Tiranë
Dyqane
- Dyqan me sipërfaqe 133 m2 në Tiranë
- Dyqan me sipërfaqe 175 m2 në Tiranë
Garazhe (bodrume)
- Bodrum 11.6 m2 në Shëngjin, Lezhë
- Bodrum 11.6 m2 në Shëngjin, Lezhë
Tokë arë
- Tokë arë me sipërfaqe 6000 m2, në “Grykë Lumi”, Lezhë.
