Gjykata e Tiranës ka caktuar këtë të shtunë masën e sigurisë ndaj tre kontrollorëve të ndaluar të Albcontrol, pas pezullimit të punës në aeroportin e Rinasit, Flora Ndreca, Armando Fezga dhe Muhin Mezini. Gjykata ka caktuar masën e sigurisë “arrest shtëpie” për kontrolloren Flora Ngreca, ndërsa ka lënë në burg dy kolegët e saj, Armando Fezga dhe Muhin Mezini.
Kujtojmë se një ditë Prokuroria e Tiranës dërgoi në Gjykatë kërkesën ndaj tre kontrollorëve, ku ndaj Flora Ndrecës ka kërkuar masën “arrest shtëpie”, ndërsa për dy të tjerët ka kërkuar “arrest me burg”. Ndaj tre kontrollorëve, Prokuroria ka ngritur akuzën e shpërdorimit të detyrës kryer në bashkëpunim. Kërkesa e Organit të Akuzës do të shqyrtohet nga gjyqtari Arben Mica, ndërsa vetë Akuza përfaqësohet nga prokuroret Marjeta Zaimi dhe Ledina Riza.
