Koronavirusi ka prekur thuajse të gjitha institucionet nga fillimi i pandemisë në Shqipëri. Një pjesë e tyre janë paralizuar dhe mbyllur për ditë të tërë për t’u rihapur sërish. Pjesë më e madhe e të infektuarve janë trajtuar në Shqipëri, por ka pasur raste kur janë dërguar për kurim jashtë në Turqi.
Mes institucioneve të prekura është edhe Gjykata e Posaçme.Njëri prej gjyqtarëve të këtij institucioni është dërguar për kurim në Turqi, pasi u infektua. Koronavirusi sot mori 12 jetë, ndërsa u regjistruan 525 raste të reja, një rekord i zi, si asnjëherë më parë nga fillimi i pandemisë. Rekordi i dyfishtë si për viktimat dhe të infektuarit vjen në në një moment kur u vendos mbyllja e vendit nga ora 22:00 deri në 06:00 të mëngjesit.