Gjatë arrestimeve të fundjavës nga policia me urdhër të prokurorisë, janë vënë në pranga edhe tre oficerë policie.
Sipas kreut të Policisë së Shtetit, Ardi Veliu, oficerët e policisë janë të prangosur si pjesëtarë të këtyre grupeve kriminale.
Emrat e oficerëve të arrestuar:
Ardit Gjyriçi, Shefi i turnit në doganën e Morinës
Jasim Avdyli, oficer policie
Bledar Koçi, oficer policie në Fier
Këta persona në mënyra të ndryshme kanë favorizuar aktivitetin kriminal të katër grupeve që janë goditur.
Ata akuzohen për veprat penale “Shpërdorim detyre”, “Ndihmë për kalimin e paligjshëm të kufijve”, në kuadër të grupit të strukturuar kriminal dhe organizatës kriminale.
