Goli më i shpejtë në Serie A, i shënuar nga një futbollist i Milanit. Kundër Sassuolo, Rafael Leao e ndëshkoi skuadrën kundërshtarë në sekondën e shtatë. Askush nuk kishte shënuar kaq shpejt më parë dhe rekordi në fakt është përmirësuar me një sekondë. Paolo Poggi kishte shënuar me fanellën e Piacenza kundër Fiorentina, për 8 sekonda.
Sot, Leao shënoi pas një pasimi perfekt të Hakan Çalhanoglu. Portugezi gjuajti saktë dhe e dërgoi topin në rrjetë dhe tani e ka shkruar emrin në historinë e futbollit italian.
