Dy të rinj kanë rënë në prangat e policisë së Fierit, të akuzuar për vjedhje.
Në pranga përfunduan Elton Kuqi dhe Ledjon Gjika, të cilët dyshohen se kanë vjedhur një shumë parash në një banesë në Petovë, si dhe 1 motomjet dhe vegla pune në një banesë tjetër, në Libofshë.
Njoftimi i policise:
Fier/Vodhën një shumë parash, një motomjet dhe vegla pune, në 2 banesa, Policia identifikon dhe vë në pranga 2 autorët e dyshuar.
Në vijim të punës për parandalimin dhe zbardhjen e vjedhjeve, identifikimin dhe vënien para përgjegjësisë ligjore të autorëve, specialistët për Hetimin e Krimeve të Komisariatit të Policisë Fier, identifikuan, kapën dhe ndaluan 2 shtetas të cilët dyshohen se kanë vjedhur një shumë parash në një banesë në Petovë, si dhe 1 motomjet dhe vegla pune në një banesë tjetër, në Libofshë.
Konkretisht, u ndaluan shtetasit E. K., 27 vjeç, banues në Ndërnënas dhe L. Gj., 32 vjeç, banues në Libofshë, për veprën penale “Vjedhja”, e kryer në bashkëpunim.
