Sot, familja dhe të afërmit i japin lamtumirën e fundit, Eleni Topaludhis, që u gjet e vrarë një javë më parë në ishullin grek Rodos.
Aleksandri, 19-vjeçari shqiptar, e pranoi përfshirjen e tij në vrasjen e Elenit, por ai ka mohuar pjesëmarrjen në “incidentin moral” që shkaktoi 21-vjeçari grek.
Pak pas orës dy të mëngjesit të martës, Aleksandri u thye nga pyetjet e vazhdueshme dhe të përsëritura të hetuesve të Rojes Bregdetare në Rodos dhe u rrëfye.
Kurse 21-vjeçari grek qëlloi “arrë gungë” dhe hetuesit e kanë pasur të vështirë ta bëjnë të rrëfehet. I riu grek është djali i një biznesmeni të njohur në Greqi në fushën e turizmit, Lindos. Ai ka hedhur përgjegjësinë për zhdukjen e vajzës, shokut shqiptar me të cilin ai ka qënë së bashku në shtëpinë e tij.
Gjurmët e tyre u kapën nga një kamera vëzhgimi që shfaqi furgonin e bardhë, me të cilën qarkulloi i riu greke me të dashurën fatkeqe.
Prokuroria është duke hetuar vrasjen për të cilën të dyshuar kryesorë deri tani janë dy të rinjtë.
I riu grek e mohoi vrasjen, përfshirë edhe përdhunimin. Atij iu dha një afat prej 48 orësh për të kërkuar falje. Avokati i tij tha se kërkoi të njihej me dosjen e klientit, por ajo nuk ishte e plotë dhe klienti i tij nuk ishte rrëfyer. “Ai nuk mori pjesë në ngjarjen që ishte fatale për vajzën,” tha avokati.
Babai i Elenës u ndie disi më i lehtë pasi mësoi versionin e treguar nga njeri prej autorët. “Dheu do të jetë më i lehtë për time bijë tani, që njeri nga autorët ka rrëfyer sesi shkuan gjërat”, tha babai i së ndjerës.
