Greqi- Ngjarja tronditëse ka ndodhur dy ditë më parë. Ai e kishte njohur studenten 17 vjeçare nga Kamatero përmes Instagramit.
Pas bisedimeve në rrjete sociale, shqiptari i cili në fillim u shfaq si pakistanez e bindi 17 vjeçaren të takohej në darkë jashtë shtëpisë së saj për një shëtitje.
27 vjeçari shqiptar e kishte marrë me motor studentën dhe e kishte dërguar në një park jashtë zonës së Korydallos, ku kishte tentuar ta puthte me forcë, teksa vajza i kërkonte të ndalonte dhe ta kthente në shtëpinë e saj.
Por siç dhe duket shqiptari kishte plane të tjera shkruajnë, mediat helene.
Ora ishte 22:00 dhe ai në vend që ta dërgonte në shtëpinë e saj e çoi në një apartament përdhese në të njejtën zonë.
Ai mbylli derën, ndezi televizorin me zë të lartë që fqinjët të mos dëgjonin se çfarë po ndodhte dhe më pas e përdhunoi.
Skena horror zgjati rreth gjysëm orë.
Pas përfundimit të aktit shqiptari dhe pasi kishte lënë gjurmë gjenetike në bluzën e 17-vjeçares, e urdhëroi atë të ngrihej dhe ta çonte në shtëpinë e saj.
Madje, ai i kërkoi asaj të mos fliste për të gjitha gjërat e tmerrshme që pësoi.
Vajza pak më vonë dhe në gjendje shoku ka shkuar në Policinë e Korydallos ku ka denoncuar përdhunimin e saj. Ndërsa sot 27 vjeçari shqiptar është arrestuar në shtëpinë e tij në Agia Varvara.
