Ditën e sotme, Greqia ka hequr masat kufizuese anti- Covid-19 në disa rajone. Ka qenë Sekretariati i Përgjithshëm për Mbrojtjen Civile, Nikos Hardalias, i cili përmes njoftimi bëri me dije se në orën 06:00 të mëngjesit të sotëm ka nisur normaliteti. Kalymnos në rajonin e Egjeut Jugor ishte nën masa të veçanta kufizuese për frenimin e përhapjes së COVID-19 që nga 5 maji.
“Nga e hëna, gradualisht do të kthehemi në normalitet, pas një përpjekjeje të madhe të bërë nga banorët gjatë gjithë kësaj kohe”, tha Hardalias. “Ne i falënderojmë ata për durimin dhe këmbënguljen e tyre, pasi falënderojmë të gjithë organet lokale për bashkëpunimin dhe përkushtimin e tyre”, shtoi ai.
Zyrtari bëri thirrje edhe një herë për të qenë më të kujdesshëm dhe për të shmangur çdo grumbullim që mund të shkaktojë sërish probleme “Le të mbrojmë sezonin turistik që po fillon, ekonominë lokale, por mbi të gjitha shëndetin tonë dhe atë të njerëzve të tjerë”
