Trajneri i Manchester City, Pep Guardiola, ka konfirmuar se Mikel Arteta është në bisedime me Arsenalin për ta pasuar Unai Emery në stolin e “topçinjëve”.
Ish kapiteni i londinezëve është kandidati kryesor për t’u bërë trajneri i ardhshëm i Arsenalit, pasi ka nisur bisedime me drejtorin e klubit, Vinai Venkatesham. Arteta nuk ka përvojë si trajner, por ka shërbyer si ndihmës i Guardiolës në tri sezone të trofeshme në Man City.
I pyetur për Artetan gjatë një konference për mediat, Guardiola tha: “Arteta është person i jashtëzakonshëm, trajner i mirë”. Ai është në bisedime me Arsenalin, por nuk e di se çfarë do të ndodhë”, shtoi Pep.
