Duke folur pas mbledhjes së Këshillit Politik, Rudina Hajdari dukej e lumtur pasi siç u shpreh ajo vetë, listat e hapura janë tashmë një realitet në Shqipëri. Po ashtu, Hajdari u shpreh se është e lumtur që PD, pas shumë thirrjeve, u bashkua në atë që ajo e quajti “kauzë të rëndësishme për demokracinë.“
Hajdari u shpreh: “Kemi dy vite me radhe që përpiqemi t’i bindim të hapin listat zgjedhore. Të gjithë tashmë janë pro listave të hapura, tani kemi një iniciative ligjore në Kuvend që garanton …Listat duhet të jenë të hapura 100 për qind. Listat e hapura tashmë janë një realitet në Shqipëri dhe jam e lumtur që PD, pas shumë e shumë thirrjeve, tanimë ata erdhën te qëndrimi ynë dhe u bashkuan rreth kësaj kauze të rëndësishme për demokracinë… Është fakt që kemi tre palë që po mbështesin plotësisht listat e hapura.” /abcnews.al/
